HVI timbog sa P341,360 na halaga ng shabu sa Taguig City

Naaresto ng Southern Police District (SPD) ang isang High-Value Individual at nakumpiska ang ₱341,360.00 na halaga ng umano’y shabu sa ikinasang buy-bust operation sa buy-bust operation sa Barangay Lower Bicutan, Taguig City.

Kinilala ang suspek na si alyas “Norudin”, 31-anyos, nakatira sa Purok 3, Ruby Street, Brgy. New Lower Bicutan ng nasabing lungsod. Siya ay sasampahan ng kasong paglabag sa Comprehensive Dangerous Drugs Act of 2002.

Ang SPD sa ilalim ng liderato ni Acting District Director Brigadier General Randy Y. Arceo, matagumpay na nagsagawa ng anti-illegal drug operation ang mga operatiba ng Station Drug Enforcement Unit (SDEU) na nasa superbisyon ni Col. Byron F. Allatog, Officer-in-Charge ng Taguig City Police Station at koordinasyon sa Philippine Drug Enforcement Agency (PDEA) na nagresulta ng agarang pagkaaresto ng suspek at nakumpisk ang tinatayang 50.2 na gramo ng umano’y shabu, shoulder bag, at buy-bust money.

Ayon kay BGen Arceo patuloy ang suporta ng SPD sa kampanya kontra ilegal na droga ng pamahalaan.

“We will not relent in our fight against illegal drugs. The Southern Police District will continue to pursue and arrest those who threaten the safety and well-being of our citizens,” pahayag ng SPD Chief. (Bhelle Gamboa)