Sen. Go naghatid ng tulong sa mga nasunugan sa Pulanglupa Uno,Las Piñas City
Naghatid ng tulong at malasakit si Senator Bong Go sa mga biktima ng sunog sa Gabriel Compound at Evergreen, Barangay Pulanglupa Uno na pansamantalang nananatili sa Bernabe Compound Covered Court sa Las Piñas City.
Kasama ng senador sa kanyang pagbisita sina City Councilors Alelee Aguilar, Mac Mac Santos, at Macky Saito, gayundin ang ilang department heads ng lokal na pmahalaan upang personal na kumustahin ang kalagayan ng mga apektadong pamilya.
Maayos na ipinamahagi ang tulong kabilang rito ang groceries, vitamins, at kaunting financial assistance na nagbigay ng ginhawa at gumaan ang sakit ng damdamin ng mga pamilyang nawalan ng tahanan matapos ang trahedya.
Lubos naman ang pasasalamat ni Pulanglupa Uno Barangay Captain Guada Rosales sa Pamahalaang Lungsod at sa lahat ng nagpapaabot ng tulong higit lalo kina Mayor April Aguilar, Vice Mayor Mel Aguilar, at Senator Bong Go para sa kanilang mabilis na pagtugon at patuloy na pagkalinga sa mga Las Piñero.
Sa pamamagitan ng pagkakaisa ng national government, lokal na pamahalaan, at pribadong sektor ay patuloy na pinatutunayan ng Las Piñas ang tunay na diwa ng bayanihan at tapat na serbisyo para sa bawat Las Piñero. (Bhelle Gamboa)
