SPD tiniyak ang mapayapa at maayos na paggunita ng Undas 2025
Bilang tauang paggunita sa Undas, pormal na inilunsad ng Southern Police District sa ilalim ng liderato ni Acting District Director, Brigadier General Randy Y. Arceo, ang “Ligtas Undas 2025,” isang komprehensibong plano ng seguridad at kaligtasan ng publiko na layuning siguruhin ang kapayaan, kaayusan, at ligtas na pag-obserba ng All Saints’ at All Souls’ Days sa Nobyembre 1–2, 2025.
Aabot sa kabuuang 968 PNP personnel mula sa pitong police stations na nasa ilalim ng SPD ang istratehikal na ipapakalat sa mga sementerolyo, columbaria, transportation hubs, tourist destinations, at iba pang lugar na pinupuntahan ng mga tao sa mga lungsod sa Makati, Taguig, Pasay, Parañaque, Muntinlupa, Las Piñas, at bayan ng Pateros.
Sa naturang bilang, 691 na pulis rito ang itinalaga sa mga sementeryo at columbaria, 162 ang dineploy sa mga mall, simbahan, at parke habang 115 naman ang pinakalat sa mga transport terminals kabilang ang bus stations, MRT/LRT platforms, at airport terminals.
Inasahan ng SPD ang dagsa ng mga tao sa mga simbahan, mall, palengke, parke, community centers, commercial establishments, tourist destinations, at pangunahing terminal ng transportasyon.
Mayroong 449 personnel na karagdagang suporta sa operasyon ng SPD na mula naman sa ibang ahensiya ng gobyerno gaya ng Armed Forces of the Philippines (AFP), Bureau of Fire Protection (BFP), Philippine Coast Guard (PCG), Local Government Unit (LGUs) at Metropolitan Manila Development Authority (MMDA), kasama ang 3,474 force multipliers na mag-aasiste sa pamamahala sa trapiko, pagkontrol sa dami ng tao, at pagresponde sa emergency.
Binigyang-diin ni BGen Arceo ang kahalagahan ng mapanuri at kooperasyo ng publiko sa panahon ng paggunita ng Undas.
“Our goal is to ensure that everyone can honor their departed loved ones peacefully and safely. The success of Ligtas Undas 2025 relies not only on our security preparations but also on the cooperation of the public,” sabi ni BGen Arceo.
Patuloy na pinaalalahanan ng SPD ang publiko na manatiling alerto, sumunod security protocols, at i-report ang anumang kahina-hinalang aktibidad sa pinakamalapit na himpilan ng pulisya.Sa pamamagitan ng pagkakaisa, disiplina, at paghahanda,naninindigan ang SPD sa pagbibigay nito ng “Serbisyong Mabilis, Tapat, at Nararamdaman”; ang serbisyo publiko na mabilis, tapat at ramdam ng komunidad. (Bhelle Gamboa)
