Deployment ng PNP para sa Undas dodoblehin ayon sa DILG

Dadagdagan pa ang bilang ng police personnel na ide-deploy ng Philippine National Police upang masiguro ang ligtas, maayos, at payapang paggunita ng Undas.

Ayon sa Department of the Interior and Local Government kabuuang 50,253 na pulis ang ipapakalat sa buong bansa.

Ang nasabing bilang ay higit sa doble kumpara sa police deployment noong 2024 na humigit-kumulang 21,000.

Ang mga pulis ay itatalaga sa mga paliparan, istasyon ng bus, at mga daungan kung saan inaasahan ang pagdagsa ng maraming tao.

Maliban sa PNP ay may dagdag ding mahigit 16,500 uniformed personnel na mula sa Bureau of Fire Protection, Armed Forces of the Philippines, Philippine Coast Guard, at iba pang mga ahensya. (DDC)