17 biktima ng trafficking sa Malaysia, naipa-deport na sa Zamboanga

Dumating na sa Zamboanga City ang labingpitong (17) Pinoy na nabiktima ng human trafficking patungong Malaysia.

Ayon sa Bureau of Immigration dumating ang mga Pinoy lulan ng MV Antonia.

Kasama sa mga umuwi ang mag-asawa at dalawa nilang anak na mula Jolo, Sulu ay sumakay ng speedboat patungong Malaysia noong taong 2023.

Sa kwento naman ng ibang deportees, nagbayad sila ng 1,700 Malaysian Ringgit para ilegal na makatawid sa border pero nang makarating sa Malaysia ay napilitan silang tumalon sa dagat para makaiwas sa mga otoridad.

Ang iba pa sa deportees ay nakulong ng ilang buwan sa nasabing bansa bago sila mapa-deport. (DDC)