Akbayan kay Rep. Pulong Duterte: Sumasahod, hindi nagtatrabaho

May pasaring ang Akbayan Partylist kay Davao City Rep. Paolo Duterte.

Sa post sa Facebook page ng Akbayan sinabi nitong “Salary Thief” ang tawag sa taong sumasahod pero hindi nagtatrabaho.

Nagbahagi din ang Akbayan ng kopya ng mga statement at banat ni Duterte sa Facebook sa nakalipas na ilang na araw.

Ayon sa Akbayan, sa loob ng tatlong araw ay may tatlong statements si Rep. Pulong kumpara sa isang authored bill nito sa nakalipas na tatlong buwan.

Nauna rito ay tinawag ni House Deputy Minority Leader at Akbayan party-list Rep. Percival Cendaña na “bad copy” ang aniya ay ginagawa ni Rep. Pulong Duterte na pag-gaya sa kaniyang tatay na si dating Pangulong Rodrigo Duterte. (DDC)