Truck nahulog sa ilog sa Mt. Province; 3 patay, 2 nawawala

Patuloy ang search operations ng mga otoridad para mahanap ang dalawa pang katao na sakay ng truck na nahulog sa ilog sa Bontoc, Mountain Province.

Ayon sa Bontoc Emergency Operations Center umaga ng Lunes, Oct. 27 nang matanggap nila ang tawag sa aksidenteng naganap sa bahagi ng Barangay Tocucan sangkot ang isang blue elf truck, Ford Fiera, at mini dump truck.

Dahil sa aksidente ay nahulog sa ilog ang elf truck na pag-aari ng kumpanyang Balintaugan Construction at lumubog ito sa tubig.

Tatlo sa mga sakay nito ang natagpuang wala nang buhay sa Chico River na nakilalang sina 𝐑𝐨𝐠𝐞𝐥𝐢𝐨 𝐃𝐞𝐥𝐚 𝐂𝐫𝐮𝐳,
at 𝐉𝐞𝐬𝐬𝐢𝐞 𝐆𝐚𝐥𝐢𝐜𝐢𝐚 na kapwa taga 𝐏𝐚𝐧𝐠𝐚𝐬𝐢𝐧𝐚𝐧 at si 𝐙𝐨𝐫𝐞𝐧 𝐉𝐚𝐲 𝐓𝐚𝐥𝐚, 𝐃𝐫𝐢𝐯𝐞𝐫 na mula naman sa 𝐙𝐚𝐦𝐛𝐨𝐚𝐧𝐠𝐚.

Patuloy naman na pinaghahanap ng mga otoridad ang dalawa pa na sina Carlo Ancheta at Edmund Romeo. (DDC)