GCash users hinikayat na mag-update ng MPIN at password

Hinikayat ng National Privacy Commission ang GCash users na bantayan ang kanilang accounts at i-update ang kanilang MPINs at passwords.

Kasunod ito ng ulat na nagkaroon ng data breach sa GCash system at ang accounts ng mga user ay ibinenta na sa dark web.

Bagaman itinanggi na ng GCash ang ulat na data breach at nakompromiso ang accounts ng kanilang users, sinabi ng NPC na dapat tiyakin ng mga may account na protektado ang kanilang impormasyon.

Dapat ding alerto ang mga user sa anumang phishing attempts at huwag ibibigay sa iba ang kanilang personal o sensitive data.

Sa ngayon ay nagpapatuloy ang imbestigasyon ng NPC sa insidente at inatasan na din ang operator ng GCash na G-Xchange na magpaliwanag. (DDC)