Ulat ng data breach itinanggi ng GCash

Itinanggi ng kumpanyang GCash ang mga kumakalat na report sa social media tungkol sa umano ay data breach sa kanilang sistema at ibenebenta sa dark web ang impormasyon ng kanilang users.

Sa pahayag sinabi ng GCash na walang nangyaring data breach sa kanilang sistema at nananatiling secured ang accounts at pondo ng users.

Sa ginawang imbestigayson ng kanilang cybersecurity experts, ang mga datos na ipinakakalat sa social media ay hindi nag-mamatch sa kanilang GCash systems.

Nakikipag-ugnayan na ang GCash sa BSP, NPC at CICC para i-monitor ang mga kumakalat na impormasyon at para tiyakin din sa nasabing mga ahensya na nananatiling protektado ang kanilang sistema. (DDC)