Pilipinas lumagda sa kasunduan sa UN laban sa Cybercrime
Nakiisa ang Pilipinas sa Signing Ceremony ng United Nations Convention against Cybercrime na ginanap sa Ha Noi, Viet Nam.
Kabilang si DICT Secretary Henry Aguda sa mga lumagda sa kasunduan na naglalayong labanan ang mga krimeng nagaganap sa cyberspace.
Ayon sa DICT ang paglagda ng bansa sa kasunduan ay bahagi ng paninindigan para sa ligtas, maaasahan, at makatarungang digital na mundo.
Nakipagpulong din si Aguda kay Philippine Ambassador to Viet Nam Meynardo Los Baños Montealegre, at sa mga delegado ng iba’t ibang bansa. (DDC)
