Patutsada ni Cong. Paolo Duterte sinagot ng AFP

Tinawag ng Armed Forces of the Philippines na “misleading” ang interpretasyon ni Davao City Mayor Paolo Duterte sa pahayag ni Chief of Staff General Romeo Brawner Jr. sa temporary deployment ng US Typhon Missile System sa bansa.

Sa inilabas na statement ng AFP ipinaliwanag nito na inilahad lamang ni Brawner ang “technical fact” tungkol sa layo na kayang abutin ng missile.

Nilinaw din ng AFP na ang presensya ng missile na ito ng US ay para sa training and capability-building purposes.

Mali umano ang mga pahiwatig na ang AFP ay nagpapakitang-gilas sa US dahil maituturing itong pang-mamaliit sa integridad, professionalism, at patriotism ng institusyon at mga miyembro nito.

Hinikayat ng AFP ang mga public official at opinion leaders na maging maingat at responsible sa inilalabas na pahayag para maiwasan ang misinformation o distrust sa Sandatahang Lakas. (DDC)