2,000 bata sa mga child-care facilities ng DSWD naghihintay na magkaroon ng pamilya

Mayroong anim na libong (6,000) na mga bata ang kasalukuyang nananatili sa iba’t ibang DSWD-registered at accredited child-caring agencies.

Ayon sa National Authority for Child Care, sa nasabing bilang, dalawang libong bata (2,000) ang legal na maaari nang ampunin at naghihintay na magkaroon ng pamilyang kukupkop sa kanila.

Dahil dito, hinikayat ng NACC ang mga kwalipikadong prospective adoptive parents na mag-avail ng libreng domestic administrative adoption services.

Ayon kay NACC Director Imelda Ronda, kahit single, married, o miyembro ng LGBTQ+ community ay pwedeng mag-adopt.

Sa ilalim ng Republic Act No. 11642 o “Domestic Administrative Adoption and Alternative Child Care Act,” ay mas- pina-simple na aniya ang legal na proseso ng pag-aampon sa bansa. (DDC)