3 colorum na van huli ng LTO sa Iloilo

Tatlong van na ilegal na bumibiyahe sa northern Iloilo ang naharang ng mga tauhan ng Land Transportation Office Region-6.

Dalawa sa mga nahuling van ay nahuling nagsasakay ng mga pasahero galing Tagbak Terminal sa Jaro, Iloilo City patungo ng Carles, Iloilo.

Habang ang isa pang van ay may rutang Kalibo to Carles.

Ayon sa LTO-6, simula Enero umabot na sa apatnapu’t dalawang (42) kolorum na van ang kanilang nahuhuli sa rehiyon ng Western Visayas.

Inatasan ang mga driver na isauli ang ibinayad ng mga pasahero at agad din pina-impound ang mga sangkot na sasakyan. (DDC)