Sunog sa DPWH Building sa QC ipinasisilip sa NBI

Hiniling ni Office of the Ombudsman Jesus Crispin Remulla sa National Bureau of Investigation na alamin kung sinadya ba ang sunog sa pasilidad ng Department of Public Works and Highways sa Quezon City.

Kasunod ito ng mga haka-haka na sinadya ang sunog para burahin ang mga ebidensya sa flood control scandal.

Ayon kay Assistant Ombudsman Mico Clavano pinaalam ni Remulla sa NBI sa pakikipag-ugnayan sa Bureau of Fire Protection ang totoong sanhi ng sunog para malaman kung may anggulo ba ng arson o kaya ay sinadya ang insidente.

Una nang nilinaw ng DPWH na walang importanteng dokumentong nadamay sa sunog.

Ayon sa DPWH ang nasunog ay ang Bureau of Research and Standards Building na in-charge sa research, study, pilot testing, at formulation ng government infrastructure projects policy. (DDC)