BI services bahagi na ng eGovPH
Bahagi na rin ng eGovPH SuperApp ang mga serbisyo ng Bureau of Immigration.
Kasunod ito ng paglulunsad ng BI sa eServices platform nito na Single Sign-On integration kung saan maaaring ma-access ng pubilko ang iba’t ibang serbisyo ng ahensya.
Kabilang sa mga serbisyo ng BI na pwedeng ma-access sa eGovPH ang pagsusumite ng annual reports ng mga rehistradong dayuhan sa bansa at ACR I-Card holders.
Maaari ding mag-request online ng Cruise Visa Waiver ang mga cruise passenger.
Gamit din ang eGovPH maaaring makakuha ng exit clearance ang mga ACR I-Card holders na lalabas pansamantala sa bansa.
Ayon sa BI, layunin nitong mas padaliin ang serbisyo publiko dahil hindi na kakailanganing laging magtungo sa opisina ng BI kapag mayroong transaksyon. (DDC)
