Walang nasunog na dokumento na may kaugnayan sa flood control – DPWH

Walang importanteng dokumentong nadamay sa sunog sa compound ng Department of Public Works and Highways sa Quezon City.

Ayon sa statement ng DPWH, ang sunog ay nangyari sa gusali ng Bureau of Research and Standards at walang naapektuhan na dokumentong may kinalaman sa nagpapatuloy na imbestigasyon sa flood control scandal.

Ang DPWH-BRS ay responsable sa pagsasagawa ng research, pag-aaral, pilot testing, at formulation ng mga polisiya para sa government infrastructure projects.

Sa inisyal na imbestigasyon nagsimula ang sunog nang may sumabog na computer unit sa loob ng Materials Testing Division.

Nagsimula ang sunog 12:40 ng tanghali at idineklarang under control 1:34 ng hapon. (DDC)