Sen. Bong Go hindi na ikinagulat ang kasong isinampa ni Trillanes

Hindi na ikinagulat ni Senator Christopher “Bong” Go ang pagsasampa ng kaso sa kaniya sa Office of the Ombudsman.

Ayon sa senador inaasahan na niyang may maghahain ng reklamo at itinuturing niya itong oportunidad para masagot ang mga alegasyon laban sa kaniya sa tamang forum.

Sinabi ni Senator Go na masasagot na niya ngayon ang mga ipinupukol sa kaniya ni dating Senador Antonio Trillanes IV.

Tiniyak naman ni Go na makikipagtulungan siya sa imbestigasyon ng Ombudsman.

Kumpiyansa din ang senador na lalabas ang katotohanan sa isyu. (DDC)