Tagumpay ng Taguig PNP operations ngayong Oktubre pinuri

Pinuri ni Taguig City Mayor Lani Cayetano ang Taguig City Police Station (TCPS) sa matatagumpay nitong serye ng operasyon kontra kriminalidad at pagpapatupad ng batas ngayong Oktubre na nagresulta ng pagkaaresto ng mga high-value targets, NCRPO’s No. 2 Most Wanted Person, at pagkapigil ng mga aktibidad ng ilegal na droga sa ilang barangay sa lungsod.

Kinikilala ni Mayor Lani ang liderato ni Col. Byron F. Allatog, hepe ng Taguig CPS para sa kanyang team dahil sa mabilis na koordinasyon at hindi natitinag na aksyon sa pagpapanatili ng kaligtasan ng publiko sa siyudad.

“These accomplishments show the dedication and professionalism of our police force. I commend the men and women of the Taguig City Police for their courage and tireless effort in upholding peace and order,” wika ni Mayor Lani.

Sa buwan ng Oktubre nagsagawa ng sumusunod na malalaking operasyon ang Taguig PNP kabilang ang pagkadakip ng NCRPO’s Top 2 Most Wanted Person (Regional Level) dahil sa kasong murder na si Jomar Salik y Radzak, 21-anyos, sa gitna ng anti-criminality operation in Barangay Upper Bicutan nitong Oktubre 7; una rito nakumpiska naman ng otoridad ang ₱3.8 milyong halaga ng shabu sa Pembo at naaresto ang high-value drug personality na si Rowel Mendoza, 26-anyos, sa isang buy-bust operation noong Oktubre 1; nasamsam ang 169.3 na gramo ng hsabu na nagkakahalaga ng ₱1.15 milyon sa Upper Bicutan kung saan nahuli ang suspek na si James Jason Bagaforo, 35-anyos, sa ikinasang rooftop buy-bust operation doon; at isang babaeng dalaw naman ang inaresto ng otoridad dahil sa tangkang pagpuslit ng shabu na nagkakahalaga ng ₱95,200.00 sa Manila City Jail Annex sa Camp Bagong Diwa nitong Oktubre 12.

Bukod dito, napasakamay din ng otoridad ang motorcycle hold-up scam suspect na si Anthony Robert Santos na pinaniniwalaang nasa likod ng serye ng holdapan na bumibiktima ng motorcycle taxi riders saTaguig at karatig na mga lungsod, at ang pagkatimbog sa isang Street Level Drug personality na si alyas “DCS”, 34-anyos at nahulihan ng shabu na nagkakahalaga ng ₱59,160.00 habang nagpapatrulya ang mga pulis sa Barangay North Daang Hari.

Sinabi ni Mayor Lani na ang mga resulting ito ay sumasalamin sa kahalagahan ng koordinasyon sa pagitan ng local government at ng pulisya na tugunan ang krimen at palakasin ang proteksiyon ng komunidad.

“Every arrest and every recovery of illegal items contribute to safer streets and stronger trust between the police and the people. We will continue working with law enforcement to build a Transformative, Lively, and Caring city,” dagdag ng alkalde. (Bhelle Gamboa)