Korean-language Masses regular na idaraos sa Baguio City simula sa Nobyembre

Simula sa susunod na buwan regular nang magdaraos ng Korean-language Masses sa Baguio City.

Batay sa inilabas na circular ni Bishop Rafael Cruz ng Diocese of Baguio, ito ay dahil sa dumaraming bilang ng Korean nationals sa lungsod.

Simula November 2025, magkakaroon ng Korean-language mass tuwing Sabado, alas 5:00 ng hapon sa Holy Face Chapel ng Baguio Cathedral.

May itatalagang Korean priests para pangunahan ang pagdaraos ng misa.

Ayon sa ulat ng Seoul Times mayroong nasa 10,000 Koreans ang naninirahan sa Baguio at 90 percent dito ay pawang estudyante. (DDC)