P5.4M na halaga ng tulong ipinamahagi ng DSWD sa mga nasalanta ng Bagyong Ramil

Umabot na sa 5.4 million na halaga ng tulong ang naipamahagi ng Department of Social Welfare and Development sa mga lugar na naapektuhan ng Bagyong Ramil.

Ayon sa DSWD, patuloy pa ang pamamahagi ng tulong ng ahensya gaya ng Family Food Packs at ready-to-eat-food boxes.

Malaking bahagi ng tulong ay ipinadala sa Western Visayas kasunod ang Central Luzon at Bicol Region.

Tinitiyak din ng ahensya na nasa maayos na kalagayan ang mga inilikas na pamilya.

Sa datos ng DSWD, mayroong mahigit 3,700 na pamilya ang nananatili sa mga mga evacuation center sa limang rehiyon sa bansa. (DDC)