Pag-aayos sa mga paaralang nasira ng bagyo sa Masbate, nagpapatuloy

Binisita ni Department of Education Secretary Sonny Angara ang mga kinukumpuning eskwelahan sa Masbate matapos mapinsala ng bagyong Opong.

Ayon sa kalihim patuloy na inaayos ang mga nasirang bahagi ng Masbate Comprehensive National High School.

Kabilang dito ang repair sa mga nasirang silid-aralan sa mga school building ng paaralan.

Patuloy ang pagsasaayos ng kisame at bubungan na sinira ng bagyo.

Samantala, natapos na ang repair sa bubong at kisame ng Nursery Elementary School.

Tiniyak ng kalihim ang tuluy-tuloy na pagsasaayos sa mga paaralan na naapektuhan hindi lamang ng bagyo kundi ng iba pang mga kalamidad na tumama sa bansa. (DDC)