Mandatory na paggamit ng face mask sa Quezon iniutos dahil sa pagdami ng kaso ng flu

Iniutos ang mandatory na pagsusuot ng face mask sa lalawigan ng Quezon sa lahat ng indoor settings at outdoor area na mahirap masunod ang pagkakaroon ng physical distancing.

Naglabas ng Executive Order si Quezon Governor Helen Tan dahil sa pagtaas ng mga kaso ng ubo, sipon, influenza-like illness, at iba pang severe respiratory infections sa probinsya.

Maliban sa mandatory na pagsusuot ng face mask, nakasaad din sa EO ang agarang pag-isolate kung nakararanas ng mga sintomas na kahalintulad ng trangkaso.

Pinayuhan din ang mga residente na magpa-update ng mga bakuna gaya ng flu vaccine at pneumococcal vaccine. (DDC)