Vlogger na namamahagi ng license plates ipinatatawag ng LTO

Nagpalabas ng Show Cause Order ang Land Transportation Office laban sa vlogger na kilala bilang “Papa Henry TV” dahil sa iligal na pag-claim at pamamahagi ng mga plaka ng sasakyan.

Ayon kay LTO Chief Assistant Secretary Markus Lacanilao, nag-upload ng video ang nasabing vlogger kung saan makikitang siya mismo ang nag-claim ng mga OR/CR mula sa iba’t ibang may-ari ng sasakyan.

Ipinakita rin sa video na siya ang kumukuha at namimigay ng mga plaka sa pamamagitan ng tinawag niyang “connection” niya sa LTO-NCR at LTO Region IV-A.

Naniningil ang vlogger ng bayad sa delivery at dagdag na halaga bilang kaniya umanong “pang-kape.”

Ayoyn sa LTO, ang gawaing ito ng vlogger ay paglabag sa Republic Act No. 11032, o Ease of Doing Business and Efficient Government Service Delivery Act. (DDC)