OWWA nakipag-ugnayan na sa pamilya ng 2 OFW na napaulat na nawawala sa Hong Kong

Tiniyak ng Overseas Workers Welfare Administration o OWWA na nakikipag-ugnayan na ito sa pamilya ng dalawang Pinoy na napaulat na nawawala sa Hong Kong.

Ayon sa OWWA patuloy ang koordinasyon ng kanilang Hong Kong Chapter sa kapatid ng nawawalang si Imee Pabuaya habang ang OWWA Region 12 naman ay nakaugnayan na ang pamilya ni Aleli Perez Tibay sa Sarangani Province.

Nagtutulungan din ang OWWA, at MWO-Hong Kong para sa koordinasyon sa Hong Kong Police at Immigration Department.

Ang dalawa na kapwa nagtatrabaho bilang domestic workers sa Hong Kong ay mahigit isang linggo nang nawawala matapos mag-hiking.

Huli silang nakita noong October 4 ng tanghali sa bahagi ng Tsuen Wan District. (DDC)