Kaso ng Influenza-like Illnesses sa QC tumaas ng 67%

Umabot na sa 2,070 ang naitatalang kaso ng INFLUENZA-LIKE ILLNESS sa Quezon City mula January 1 hanggang October 13 ngayong taon.

Ayon sa datos ng Quezon City Epidemiology and Surveillance Unit, ang datos ay mas mataas ng ng 67 percent kumpara sa kasong naitala sa parehong panahon noong 2024.

Karaniwang apektado ng sakit ay mga batang labingapat na taong gulang pababa.

Paalala QC LGU sa mga residente maging maingat para maiwasan ang paglaganap pa ng sakit.

Dapat ding agad magpakonsulta kung nakararanas ng sintomas ng flu. (DDC)