Disinfection, building inspection isinagawa habang umiiral ang health break sa NCR public schools

Nagpatawag ng Special Regional Executive Committee Meeting ang Department of Education – NCR matapos ipatupad ang dalawang araw na suspensyon ng klase sa mga public school sa Metro Manila.

Sa nasabing pulong, nilinaw ni DepEd NCR Regional Director Asec. Jocelyn Andaya na ang ipinatupad na suspensyon ay para magkaroon ng sapat na panahon ang mga paaralan na magapagsagawa ng disinfection, sanitation, at building inspection.

Ayon sa DEPED-NCR ang dalawang araw na break sa Face-to-Face classes ay agarang hakbang bunsod ng tumataas na kaso ng influenza-like illnesses sa mga mag-aaral at DepEd personnel.

Kasama din sa ikinunsidera ang serye ng lindol na nagaganap sa iba’t ibang bahagi ng bansa.

Sa dalawang araw na suspensyon ng F2F classes isinagawa ang pag-disinfect sa mga silid-aralan at iba pang pasilidad sa mga paaralan at assessment sa katatagan ng mga gusali. (DDC)