Immigration Officer sangkot sa trafficking kinasuhan ng NBI

Sinampahan ng reklamo sa piskalya ng National Bureau of Investigation ang isang Immigration Officer dahil sa pagkakasangkot nito sa human trafficking.

Ayon sa NBI, ang Immigration Officer na si JOHN REY FADROGANI ay nakipagsabwatan para ilegal na mapaalis ang isang 20-anyos na babae patungong Saudi Arabia.

Kasong paglabag sa R.A. No. 9208 o Anti-Trafficking in Persons Act ang inirekomendang maisampa laban sa opisyal na ngayon ay pinaghahanap pa ng mga otoridad.

Noong October 11, naaresto ng NBI ang suspek na si Abdullah Asnawi, na siyang nag-recruit sa babaeng biktima na pinalusot ni Fardrogani.

Naisailalim na rin sa inquest proceedings si Asnawi sa paglabag sa Anti-Trafficking in Persons Act. (DDC)