Smuggled yosi nakumpiska sa Iligan; pulis kasama sa natimbog

Natimbog ng mga otoridad ang isang pulis kasama ang tatlong iba pa makaraang mahulihan ng smuggled na sigarilyo sa Iligan City.

Hinarang ng mga tauhan ng PNP–Highway Patrol Group ang isang sasakyang may kargang mga hinihinalang smuggled cigarettes sa kahabaan ng National Highway, Barangay Tubod.

Pero sa halip na huminto ang Toyota Hilux, tumakas ang sasakyan kaya’t nauwi pa sa habulan ang operasyon.

Nang masukol ang mga suspek narekober sa kanila ang mga kahon ng hinihinalang smuggled cigarettes na tinatayang nagkakahalaga ng P150,000 gayundin ang isang baril na may markang PNP property.

Hawak na ng Iligan City Police Office ang apat na suspek para sa dokumentasyon at pagsasampa ng kaukulang kaso. (DDC)