1,192 aftershocks na ang naitala ng Phivolcs sa Davao Oriental

Nakapagtala na ng 1,192 aftershocks matapos ang magkasunod na magnitude 7.4 at magnitude 6.8 na lindol sa Davao Oriental.

Ang datos ayon sa Phivolcs ay as of 8:00 ng umaga ngayong Martes, October 13.

Sinabi ng Phivolcs na ilan sa mga naitalang aftershock ay may sapat na lakas upang maramdaman ng mga residente sa mga apektadong lugar.

Maaari pa ring maranasan ang aftershocks ilang araw o kahit ilang linggo matapos ang mainshock.

Kadalasan kasi na kung mas malakas ang mainshock ay mas marami ang aftershocks na inaasahan at mas nagtatagal. (DDC)