Avilon Zoo itinangging stray dogs ang pinakakain nila sa mga alagang buwaya

Itinanggi ng pamunuan ng Avilon Zoo ang ipinakakalat ng post sa social media na mga stray dogs ang ipinapakain nila sa kanilang mga alagang buwaya.

Ayon sa pahayag na inilabas ng Avilon Zoo, istrikto silang sumusunod sa ethical animal care at sa feeding standards sa ilalim ng umiiral na regulasyon ng pamahalaan.

Lahat umano ng kanilang food sources ay nagmumula sa kanilang verified suppliers at hindi kailanman sila gumamit ng stray dogs para ipakain sa mga hayop na nasa kanilang pag-iingat.

Prayoridad din ng zoo ang kapakanan at proper nutrition ng bawat hayop na kanilang inaalagaan.

Nakikipag-ugnayan na ngayon ang pamunuan ng zoo sa mga otoridad para matukoy kung sino ang nagpapakalat ng maling impormasyon. (DDC)