5 puganteng Japanese arestado ng BI

Anim na Japanese nationals ang inaresto ng Bureau of Immigration kabilang ang limang kunektado umano sa JP Dragon Gang.

Ayon kay BI Fugitive Search Unit Chief Rendel Ryan Sy, ang mga dayuhan ay naaresto sa magkakahiwalay na operasyon sa Bulacan, at sa Lucena, at Candelaria, Quezon.

Ang dayuhan na kinilalang si Yukio Monde ay subject ng arrest warrant na inisyu ng Hiroshima Summary Court sa Japan dahil sa mga kasong may kaugnayan sa fraud at forgery.

Kasong theft naman ang kinakaharap ni Norichika Harada makaraang manloko ng mga nakatatanda sa Japan at hinikayat ang mga itong ibigay sa kaniya ang kanilang ATM cards at personal information.

Sa Candelaria, Quezon nadakip ang tatlo pang dayuhan na sina Nobuyuki Arima, Yano Yuya, Iwamoto Miyako, at Ayumi Osawa, na pawang operator ng online workstations na sangkot sa scamming activities.

Ayon kay BI Commissioner Joel Anthony Viado agad sasailalim sa deportation proceedings ang mga pugante para maharap ang mga kaso sa kanilang bansa. (DDC)