2 drug personalities nalambat sa Taguig City, ₱1.2M na halaga ng shabu nasamsam

Pinaigting pa ng Southern Police District ang laban nito kontra ilegal n droga matapos ang isinagawang hiwalay na buy-bust operations sa Taguig City na nagresulta ng pagkaaresto ng dalawang drug personalities at nasamsam ang mahigit ₱1.2 million na halaga ng umabo’y shabu.

Ang operasyon ay ikinasa ng Station Drug Enforcement Unit (SDEU) at Station Intelligence Section (SIS) sa ikalim ng superbisyon ni Col. Byron F. Allatog, Officer-In-Charge ng Taguig CPS sa koordinasyon ng Philippine Drug Enforcement Agency (PDEA) kung saan unang naaresto ang suspek na si alyas Michael, 35-anyos, tinaguriang High-Value Individual (HVI), sa Modomo Street, Barangay Upper Bicutan at narekober ang 169.3 na gramo ng ‘shabu’ na nagkakahalaga ng ₱1,151,240.00, buy-bust money, at cellular phone na ginamit sa ilegal na transaksiyon.

Sinundan ito ng isa png buy-bust operation na nagresulta ng pagkadakip ng suspek na si alyas Mike,40- anyos, isang Street Level Individual (SLI) sa Cadena de Amor St., Brgy. San Miguel sa lungsod kung saan nakumpiska ang 9 gramo ng shabu na nagkakahalaga ng ₱61,200.00, buy-bust money, at coin purse na pinagsilidan ng droga.

Inihahanda ng otoridad ang kasong paglabag sa Comprehensive Dangerous Drugs Act of 2002 laban sa mga suspek na kasalukuyang nakakulong sa Taguig CPS.

Binigyang-diin ni Acting District Director, BGen Randy Y. Arceo ang tagumpay ng mga operasyon na patunay na walang tigil ang SPD sa pagpapatupad ng kampanya kontra ilegal na droga.

“These back-to-back arrests of a High-Value Individual and a Street Level Individual, along with the seizure of more than ₱1.2 million worth of shabu, prove that SPD will not stop until every corner of our communities is free from the drug menace. I commend the leadership of PCOL Byron F Allatog and the tireless dedication of our operatives in protecting our communities from the scourge of drugs,” pahayag ni BGen Arceo. (Bhelle Gamboa)