693K na halaga ng ‘shabu’ nakumpiska ng SPD; 4 na suspek arestado sa Makati City buy-bust

Naaresto ng mga operatiba ng Southern Police District (SPD) sa pamamagitan ng Makati City Police Station Drug Enforcement Unit (SDEU) ang apat na suspek kabilang ang isang High-Value Individual (HVI) at nakumpiska ang ₱693,600.00 na halaga ng umano’y ilegal na droga sa ikinasang buy-bust operation sa Guatemala Street, Barangay San Isidro ng lungsod.

Ang naarestong mga suspek ay kinilalang sina alyas “Pepeng”, 36-anyos; alyas “Edgardo”, 46-anyos; alyas “Jowalds”,25-anyos; at alyas “Cristy”, female, 34-anyos, isang online seller, pawang mga residente ng Makati City.

Sa ilalim ng superbisyon ni Col. Reycon L. Garduque, Officer-in-Charge ng Makati City Police Station, matagumpay na naisagawa ang operasyon sa lugar kung saan isang pulis ang nagpanggap na poseur buyer na nagresulta ng agarang pagkaaresto ng mga suspek

Sa gitna ng operasyon, narekober ng otoridad ang tinatayang 102 na gramo ng hinihinalang shabu, buy-bust money, at Yamaha Mio i125 motorcycle na may plakang 963PSQ at susi.

Nasa kustodiya ng pulisya ang apat na suspek at nakatakdang sampahan ng kasong paglabag sa Sections 5 and 11, Article II of Republic Act 9165 (Comprehensive Dangerous Drugs Act of 2002) sa Makati City Prosecutor’s Office.

Pinuri ni Brigadier General Randy Y. Arceo, Acting District Director ng Southern Police District ang mabilis determinadong aksyon ng nga operatiba.

“This successful operation demonstrates our relentless fight against illegal drugs and our commitment to protect the community from its harmful effects,” sabi ni BGen Arceo. (Bhelle Gamboa)