CSC may paglilinaw sa automatic civil service eligibility sa SK Officials

Nilinaw ng Civil Service Commission na hindi nito kapasyahan ang pagkakaloob ng eligibility sa mga halal o appointed na opisyal ng Sangguniang Kabataan.

Ayon sa CSC, ito ay nakasaad sa batas sa ilalim ng probisyon ng Republic Act No. 11768 o “An Act Strengthening the Sangguniang Kabataan.”

Sa nasabing batas, ang mga SK officials na na mayroong “good standing” halal man o appointed at nakakumpleto ng full 3-year term of office ay automatic nang pagkakalooban ng Sangguniang Kabataan Official Eligibility o SKOE.

Ang SKOE ay maaaring magamit sa first-level positions sa career service.

Ang mga kwalipikadong SK officials ay maaari nang makapag-apply ng SKOE simula noong Oct. 4. (DDC)