Pag-iral ng Habagat natapos na; Amihan mararamdaman na sa bansa sa susunod na mga linggo – PAGASA

Idineklara ng PAGASA ang pagtatapos ng pag-iral ng Southwest Monsoon o Habagat sa bansa.

Ayon sa PAGASA, sa nakalipas na ilang linggo ay humina na ang pag-iral ng Habagat sa bansa.

Nakitaan din ng gradual change ang weather pattern bunsod ng paglakas ng high-pressure system sa East Asia at ang southward migration ng intertropical convergence zone.

Ayon sa PAGASA, ito na rin ang hudyat ng pagtatapos ng panahon ng tag-ulan sa western sections ng Luzon at Visayas.

Habang ang bansa ay nasa transitioning na ngayon patungo sa pag-iral ng Northeast Monsoon o Amihan season.

Inaasahang idedeklara na ng PAGASA sa susunod na mga linggo ang pag-iral ng Amihan sa bansa. (DDC)