Bigat ng mga truck na sabay-sabay dumaan sa gumuhong Piggatan Bridge, sobra-sobra sa kapasidad nito

Agad nagpadala ng team ang Department of Public Works and Highways para magsagawa ng damage assessment sa bumagsak na Piggatan Bridge sa kahabaan ng Cagayan Valley Road sa Alcala, Cagayan.

Ayon sa pahayag ng ahensya, batay sa paunang imbestigasyon, tatlong loaded trucks ang dumaraan sa tulay nang mangyari ang insidente.

Bawat isang truck ay tinatayang may bigat na 50 tons na sabay-sabay na dumaan sa tulay na sobra-sobra sa 18-ton capacity ng tulay.

Pinayuhan na ng DPWH ang mga motorista at publiko na iwasan ang nasabing lugar at gamitin ang mga alternatibong ruta. (DDC)