Lacson pormal nang nagbitiw bilang chairman ng Blue Ribbon Committee

Pormal nang nagbitiw bilang chairman ng Senate Blue Ribbon Committee si Senator Panfilo Lacson.

Kinumpirma ni Senate President Tito Sotto III na natanggap na niya ang resignation letter ni Lacson.

Una nang sinabi ni Lacson na ang kaniyang pagbibitiw ay bunsod ng pag-aalinlangan ng ilang mga kasamahan niya sa senado sa ginagawang imbestigasyon sa flood control scandal.

Ayon sa senador, dahil lahat ng chairpersons ng Senate committees ay inihalal ng mga kasamahan sa senado, siya ay naninilbihan sa pleasure ng kaniyang mga kapwa senador partikular ang miyembro ng majority.

Sa kabila ng pagbibitiw bilang chairman ng komite, sinabi ni Lacson na hindi mapipigil ang kanyang patuloy na laban kontra katiwalian.

Tiniyak ng senador na patuloy ang laban niya sa corrupt at bulok na sistema at pag-abuso sa public funds. (DDC)