DOTr tiniyak sa mga transport groups na reresolbahin ang kakulangan sa bumibiyaheng PUVs

Suportado ng ilang transport groups ang mga hakbang ng Department of Transportation para maresolba ang kakulangan ng bumibiyaheng PUVs sa mga lansangan.

Kamakailan, pinulong ni DOTr Acting Secretary Giovanni Lopez, sina Pasang Masda President Obet Martin, Altodap National President Melencio “Boy” Vargas, Busina National President Marilyn Ramos, at ilan pang mga kasamahan sa transport groups.

Nagpasalamat si Lopez sa tiwala ng mga transport group at nangako din itong tutulong ang DOTr para resolbahin ang mga hinaing ng grupo at mapagsilbihan ng mabuti ang mga komyuter.

Ilan sa mga usaping tinalakay ay ang hiling ng transport groups na solusyonan ng Land Transportation Franchising and Regulatory Board ang Route Rationalization, aksyunan ang kakulangan ng PUV sa mga rutang maraming komyuter kabilang na ang Commonwealth Avenue at ang umano’y korapsyon sa LTFRB. (DDC)