Pari umapelang huwag gawing souvenir o anting-anting ang debris mula sa nasirang simbahan sa lindol sa Cebu

Umapela sa publiko ang isang paring katoliko sa northern Cebu na huwag gawing souvenir o anting-anting ang debris mula sa nasirang heritage church matapos ang malakas na lindol na tumama sa lalawigan.

Ayon kay Fr. Edmar Marcellones ng Parroquia de San Pedro Apóstol sa Bantayan island maituturing na pagnanakaw ang pagkuha sa bahagi ng debris ng simbahan.

Sinabi ni Marcellones na bawat fragment ng bato at materyales sa nasirang simbahan ay bahagi ng sacred heritage at dapat ma- preserved.

Ang centuries-old na simbahan sa Bantayan ay kabilang sa napinsala ng lindol.

Matapos ang lindol ay wala munang napayagang lumapit o pumasok sa simbahan. (DDC)