e-Ferry bibiyahe na sa Ilog Pasig

Pormal nang inilunsad ng Department of Science and Technology at ng University of the Philippines Diliman ang e-Ferry na papasada na sa Ilog Pasig.

Ang M/B Dalaray ang kauna-unahang e-Ferry na bibiyahe sa Pasig River.

Ang M/B Dalaray na ang ibig sabihin ay “flow of current,” ay mayroong 100 kilowatt twin electric motors, marine-grade aluminum structure, at hybrid solar inverter system.

Kaya nitong magsakay ng 40 pasahero, 3 crew members, at kayang maglayag ng hanggang 45 kilometers o 2 hanggang 3 hours na pagbiyahe.

Ang paglulunsad ng e-Ferry sa Ilog Pasig ay bahagi ng hakbang tungo sa pangangalaga ng kalikasan, at layong magkaroon ng isang eco-friendly habang pinapanatili na malinis ang katubigan. (DDC)