Globe, Smart may libreng serbisyo sa mga nasalanta ng bagyo at lindol ayon sa DICT

Nagbibigay ng libreng serbisyo ang Globe Telecom at PLDT-Smart para sa mga nasalanta ng lindol sa Cebu at bagyo sa Masbate.

Ayon sa Department of Information and Communications Technology o DICT, may libreng tawag at device charging ang Globe at TM sa lalawigan ng Cebu at Masbate.

Ang PLDT at Smart ay mayroong libreng National Direct Dial Calls, Free Wi-Fi, at Device Charging Stations sa ilang bahagi ng Cebu.

Tiniyak ng DICT na katuwang ang mga telco ay patuloy ang pagsisikap na mapanatiling bukas ang komunikasyon at konektado ang bawat mamamayan sa panahon ng kalamidad. (DDC)