Mayor Aguilar tumanggap ng Gawad Galing Global Award dahil sa napakahusay na alagang pangkalusugan sa Las Piñas City

Tumanggap ng parangal si Las Piñas City Mayor April Aguilar mula sa prestihisyosong Gawad Galing: Global Award of Excellence Award of Excellence in Healthcare, na kumilala sa kanya bilang Top Public Servant sa Allied Health category.

Ang parangal na ito ay isang papuri sa mga mahuhusay na indibiduwal na nagpamalas ng kanilang hindi matatawarang kontribusyon sa sektor ng kalusugan sa Pilipinas at sa ibang bansa.

Nabatid na ang award ay tumutuon sa parehong healthcare professionals at visionary leaders na nagtataguyod ng pagpapabuti sa mga serbisyong pangkalusugan kung saan nakilala si Mayor April Aguilar sa kanyang pagbabagong mga inisyatiba para sa mas madaling pagkuha, mabisa, mataas na kalidad ng alagang kalusugan sa buong lungsod.

Sa administrasyon ni Mayor April ay nagtakda ng bagong pamantayan para sa mga prayoridad na healthcare programs ng lokal na pamahalaan na testamento ng inobasyon, dedikasyon, at may pusong pamamahala upang hatiran ng kalusugan ang mga Las Piñero.Ang parangal na ito ay nagmarka sa karangalan ng alkalde bilang tagapanguna ng serbisyo publiko at kampeon para sa kapakanan ng kanyang mga kababayan. (Bhelle Gamboa)