MMDA nag-deploy ng Contingent Team sa Cebu kasunod ng 6.9 magnitude na lindol
Bilang tugon sa nangyaring 6.9 magnitude na lindol na tumama sa Cebu Province nitong Martes, nagdeploy ang Metropolitan Manila Development Authority (MMDA) ng kanyang 18-man contingent team alinsunod sa direktiba ni Pangulong Ferdinand R. Marcos Jr. na pakilusin ang resources at agarang hatira ng tulong ang mga apektadong komunidad.
Nakipagkoordina ang MMDA sa Cebu Provincial Disaster Risk Reduction and Management Office (PDRRMO) Emergency Operations Center Manager and Operations Section Head para sa deployment at kinakailangang assessment.
Ayon kay MMDA Chairman Atty. Don Artes ang teams ay binubuo ng mga tauhan mula sa Public Safety Division and Road Emergency Group pinadala nitong Miyerkules ng gabi at naatasang magbigay ng assistance sa lahat ng apektadong residente at suportahan ang mabilis na relief and recovery efforts sa mga napinsalanag lugar.
“We also deployed K9 dogs to assist in earthquake response and rescue operations. They are trained to locate people trapped under rubble or debris using their sense of smell,” sabi ni Artes.
“The team will clear debris on roads that impede mobility and accessibility,” dagdag pa ng opisyal.
Dala ng contingent ang solar-powered water purifiers upang magbigay ng malinis na tubig, life locators, battery-operated extrication equipment, trauma bags, at mga clearing tools kasama na rito ang mga chainsaw at at dump trucks.
Ang mga sinanay na rescuers ay mananatili sa probinsiya sa hindi pa matukoy na bilang ng araw upang asistehan ang nagpapatuloy na rescue operations hangga’t kinakailangan. (Bhelle Gamboa)
