Halos 2,000 pang seniors sa Las Piñas tumanggap ng social pension

Pinangunahan ni Mayor April Aguilar ang ikaapat na araw ng pamamahagi ng social pension para sa halos 2,000 pang indigent senior citizens sa Las Piñas City na isinagawa saAguilar Sports Complex sa Barangay Pilar.

Ang mga nabenepisyuhang nakatatanda ay mula sa mga Barangay ng Daniel Fajardo, Talon Dos, at Pulanglupa Uno kung saan nakatanggap sila ng tig-P6,000 bilang sakop ng kanilang pension. Ang inisyatibang ito ay inorganisa ng City Social Welfare and Development Office sa ilalim ni OIC Lowefe T. Romulo sa suporta nina PWD Office Head Ronald T. Monfero, OIC-City Health Officer Dr. Julie Gonzalez, Treasury Department, OSCA staff, BOC staff, Kalipi volunteers, at Senior Citizens Officers.

Binigyang-diin ni Mayor April na ang programa ay sumasalamin sa pangako ng administrasyong siguruhin na matanggap ng mga senior citizens ang karapat-dapat na aruga,dignidad, at tulong. (Bhelle Gamboa)