DSWD SOCCSKSARGEN, umayuda sa sa mga pasyenteng apektado ng baha sa Buluan District Hospital

Masayang tinanggap ng mga apektadong pamilya at pasyente ang mga kahon ng ready-to-eat food (RTEF) boxes mula sa DSWD Field Office 12 – SOCCSKSARGEN na nakatulong bilang dagdag na pagkain para sa mga nasa loob ng ospital.

Umabot sa kabuuang 2,700 family food packs (FFPs) at 220 kahon ng RTEF ang naipamahagi ng DSWD FO-12 sa mga pasyenteng naka-admit sa Buluan District Hospital na binaha dulot ng localized thunderstorms noong Setyembre 29.

Katuwang sa pamamahagi ng tulong ang Municipal Disaster Risk Reduction and Management Office (MDRRMO) at mga kawani ng Buluan District Hospital (BDH) para mabilis na maipaabot ang tulong sa mga apektado nating kababayan.

Ang agarang pagpapaabot ng tulong ng DSWD ay alinsunod sa direktiba ni Pangulong Ferdinand R. Marcos, Jr. kay Secretary Rex Gatchalian na tiyakin ang mabilis na aksyon sa pangangailangan ng mga pamilyang apektado ng kalamidad. (Bhelle Gamboa)