Burial expenses ng mga nasawi sa lindol sa Cebu sasagutin ng DSWD

Sasagutin ng Department of Social Welfare and Development ang burial expenses ng mga nasawi sa magnitude 6.9 na lindol sa Cebu.

Ayon kay Asst. Secretary Irene Dumlao ng Disaster Response Management Group ng DSWD, magkakaloob ang kanilang Field Office 7 – Central Visayas ng 10,000 pesos na cash assistance sa bawat pamilyang nawalan ng mahal sa buhay.

Sa ngayon nagsasagawa ng accounting ang Field Office Central Visayas para sa bilang ng mga nasawi at kung saan ang eksaktong lokasyon ng kanilang pamilya.

Nakatakda ring magtungo sa Cebu si DSWD Secretary Rex Gatchalian para tiyaking lahat ng pangunahing pangangailangan ng mga apektadong pamilya ay naipagkakaloob. (DDC)