Livestreaming sa ICI Hearings iginiit ng Akbayan

Karapatan ng taumbayan na ninakawan ng bilyon-bilyong piso na mapanaood ang proceeding ng Independent Commission for Infrastracture.

Ito ang pahayag ni Akbayan Partylist Rep. Perci Cendaña matapos sabihin ng ICI na hindi mapapanood ng live ang mga pagdinig ng komisyon.

Ayon sa mambabatas, kaya nagkakaroon ng pangungulimbat ng pera ng bayan dahil sa kawalan ng transparency sa proseso mula sa bicam hanggang sa project implementation.

Hindi rin aniya magiging ganap ang accountability kung walang transparency.

Ayon kay Cendaña, dapat na maipasa ang isinusulong na Independent Commission for Infrastructure Bill o House Bill 4453 na maglalagay ng mandatory public hearings with livestreaming. (DDC)