Ethics Committee ng Kamara wala nang hurisdiksyon kay Zaldy Co

Wala nang hurisdiksyon sa nagbitiw na si Rep. Zaldy Co ang Committee on Ethics ng Kamara.

Ayon kay House Ethics Committee Chair Jonathan Abalos sa ilalim ng Section 2 ng Rules ng Committee on Ethics ng Kamara, ang hurisdiksyon ng komite ay para lamang sa mga miyembro ng Kamara.

Dahil nagbitiw na si Co bilang kongresista ay nawalan ng hurisdiksyon sa kaniya ang Ethics Committee.

Gayunman, kahit wala nang hurisdiksyon sa kaniya ang Ethics Committee hinihikayat ng liderato ng Kamara si Co na harapin at sagutin ang mga akusasyon laban sa kaniya.

Ayon naman kay House Speaker Zaldy Co, bahala na ang Department of Justice at Independent Committee on Infrastructure ang pag-iimbestiga at pagsasampa ng kaso laban kay Co. (DDC)