Laptops, cellphones ng mga district engineer kumpiskahin dapat ng DPWH

May payo si dating Commission on Audit Commission Heidi Mendoza kay Department of Public Works and Highways Secretary Vince Dizon.

Ayon kay Mendoza, dapat obligahin ni Dizon ang mga District Engineers ng DPWH na iturnover ang kanilang mga laptop at cellphone.

Sa mga pag-iikot ni Dizon sa field offices ng ahensya, dapat ding samsamin ang mga hard drives at tiyaking selyado ang mga metal cabinets at ipadala sa ligtas na lugar.

Ani Mendoza tama ang ginawang pag-freeze sa mga assets ng mga isinasailalim sa imbestigasyon dahil ito ang “basic and fundamental” kapag may indikasyon ng fraud.

Sa huli ay pinayuhan ni Mendoza si Dizon na uminom ng vitamins lalo na ang bitamina na panlaban sa stress. (DDC)