Magnitude 3.5 na lindol sa Bulacan naramdaman sa ilang bahagi ng Metro Manila

Niyanig ng magnitude 3.5 na lindol ang lalawigan ng Bulacan.

Ayon sa Phivolcs ang epicenter ng lindol ay naitala sa layong 32 kilometers southeast ng Doña Remedios Trinidad, 1:32 ng hapon ng Biyernes, Sept. 26.

May lalim na 9 kilometers ang lindol at tectonic ang origin.

Naitala ng Phivolcs ang sumusunod na Intensities:

Intensity III:
– Doña Remedios Trinidad, Bulacan

Intensity II:
– General Nakar, Quezon
– San Jose Del Monte, Bulacan
– Quezon City

Naitala din ang Instrumental Intensity II sa Pateros at Instrumental Intensity I sa San Rafael, Bulacan; Caloocan City at Infanta, Quezon. (DDC)